|
تورکجه بایاتیلار ـ دوبیتی های ترکی ( بخش پنجم )
منيم بالام، آز آغلا پاييز آغلا، ياز آغلا آل قلمي الينه درديم دئييم ياز،آغلا
اوخ ديدي يارالانديم اورك دن پارالانديم وطندن آيريلمازديم زور ايلن آرالانديم
گلين گلير خان گلير ،ائولري ييخان گلير الينده اولگوج-تييه ،باشلاري قيرخان گلير
الين حنا توتماسين ، باتسين قانا توتماسين منسيز ائو تيكن يئرده ، ائوين بينا توتماسين
من عاشيق ، قازان آغلار اود يانار،قازان آغلار غربت يئرده ئوله نين قبريني قازان آغلار
قامتين شوخدو سنين ، الينده اوخدو سنين من سني چوخ سئويرم ، خبرين يوخدو سنين
باخيرسان هارا قاندي ، اوخ دييب يارا قاندي ياردان آيري دوشموشم ، اورگيم قارا قاندي
مله جيرانيم مله ، بالاني وئرمه اله من مله ديم گلمه دي ، سن مله بلكه گله
بوينومدا وار ميرواري ، گؤز ياشيني سيل باري گل اوتوراق ديز ديزه ، بيرآز دانيش گول باري
عزيزيم سؤز دئمكدن ، يورولدوم سؤز دئمكدن نه سن يولدان يورولدون ، نه من يول گؤزله مكدن
چيخارام اوزوم اوسته ، اوينارام ديزيم اوسته سن منه قوناق گلسن ،ساخلارام گوزوم اوسته
گون گئتدي يانان يئره ، آي گئتدي باتان يئره سينه مي نشان قويدوم ،ياراوخون آتان يئره
اورك شانا - شان يارا ، بيزدن سووشان يارا بيرآيريليق بير اؤلوم ، قويماز قوووشام يارا
آمان آمان آيريليق ، اولور يامان آيريليق ائشيدنده باشيمدان ، قالخير دومان آيريليق
نظرات شما عزیزان: |+| نوشته شده توسط سولدوزلو در چهار شنبه 16 بهمن 1392برچسب:ندای آذربایجان,بایاتی,تورکجه بایاتی,دوبیتی های ترکی,اشعارترکی,ترکی شعرلر,ادبیات آذربایجان,تورک خلق ادبیاتی,ادبیات شفاهی آذربایجان,بایاتی,بایاتیلار,تورکی بایاتی,دوبیتی,شعرترکی,تورکجه شعر,آذربایجان, و ساعت 
|
 * * * * الله یا معين الضعفا * * * *
لوگو و بنر دوستان
 |
